Қазақстан 34 миллиард долларлық талап бойынша жеңіске жетті
Қазақстанның Әділет министрлігі 34 миллиард долларлық талап бойынша арбитраждық дауда жеңіске жеткенін хабарлады, деп жазады dailykz министрліктің баспасөз қызметіне сілтеме жасап.
Министрліктің хабарлауынша, дауда Евгений Белавиннің Қазақстан Республикасына қарсы 1997 жылғы Қазақстан мен Қырғызстан арасындағы екіжақты инвестициялық келісім негізінде ЮНСИТРАЛ арбитражында басталған ісі қаралған. Арбитраж Гаага қаласындағы Тұрақты третейлік сот палатасы (ПТСП) арқылы жүргізілген.
Белавин арбитраж аясында Қазақстаннан 34 миллиард доллардан астам өтемақы талап еткен.
Министрліктің дерегінше, қыркүйектің 1-і күні Арбитраж трибуналы дауды дереу тоқтату туралы шешім шығарған. Сонымен қатар, Белавин трибунал мен ПТСП шығындарын төлеуге және арбитраж барысында Қазақстан Республикасына түскен барлық шығындарды өтеуге міндеттелген.
«Трибунал Қазақстан Республикасының ұстанымын толық қолдап, мемлекетке қарсы барлық құқыққа қарсы әрекет айыптарын қабылдамады. Арбитраждағы Қазақстан мүддесін Grata International және Enyo Law LLP құқықтық фирмалары қорғады», – деп хабарлады Әділет министрлігі.
