Қазақстандық жеңіл атлет Нора Джеруто Швейцариядағы Бриллиант лига кезеңінде күміс жүлде иеленді

Қазақстан ұлттық құрамасының жеңіл атлетика өкілі Нора Джеруто Бриллиант лига кезеңінде күміс медаль алды, деп хабарлайды dailykz.

Швейцарияның Цюрих қаласында беделді Бриллиант лига сериясының жарыстары басталды.

Қазақстандық спортшы Нора Джеруто 3000 метр кедергілермен жүгіру жарысында подиумға көтерілді. Отандық атлет 9:10,87 нәтижесін көрсетті.

Осылайша, 29 жастағы Нора Джеруто бұл нәтиженің арқасында нормативті орындап, Токиода өтетін әлем чемпионатында өнер көрсетуге мүмкіндік алды.

Жарыстың жеңімпазы – кенийлік Фейт Черотич болды. Ол 8:57,24 нәтижесін тіркеді.

Жүлделі үштікті Тунис өкілі Марва Бузаяни түйіндеді. Оның нәтижесі – 9:12,03.