Аддисон ауруы: белгілері, себептері және емі
Адам денсаулығы түрлі ішкі жүйелердің тепе-тең жұмысына байланысты. Соның бірі – бүйрек үсті безі. Бұл кішкентай бездер ағзаның көптеген маңызды қызметін реттейтін гормондарды өндіреді. Кейде осы бездердің қызметі бұзылып, бүкіл ағзаға әсер ететін күрделі аурулар пайда болады. Соның бірі – аддисон ауруы.
Бұл не?
Бұл сирек кездесетін жағдай бүйрек үсті безінің жеткіліксіз жұмыс істеуінен туындайды. Әдетте бұл бездер кортизол мен альдостерон сияқты өмірлік маңызды гормондарды шығарады. Ал осы гормондар жетіспеген кезде адам ағзасы күйзеліске төтеп бере алмайды, тұз бен су балансы бұзылады, қан қысымы төмендейді.
Белгілері қандай?
Аурудың бастапқы белгілері өте көмескі болуы мүмкін, сондықтан көп адамдар оны басқа шаршау немесе күйзеліс жағдайларымен шатастырып жатады. Дегенмен, мынадай белгілерге назар аудару керек:
- Созылмалы шаршау және әлсіздік
- Кенет салмақ жоғалту
- Асқа тәбеттің болмауы
- Қан қысымының үнемі төмен болуы
- Теріде қара дақтардың пайда болуы
- Көңіл-күйдің тұрақсыздығы
Себебі неде?
Көп жағдайда бұл дерт ағзаның иммундық жүйесінің өз тіндеріне шабуыл жасауынан болады. Яғни, ағза бүйрек үсті бездерін «жат» деп қабылдап, оларды зақымдай бастайды. Кейде туберкулез, жұқпалы аурулар немесе жарақаттар да себеп болуы мүмкін.
Диагностика және ем
Диагноз қою үшін дәрігер қандағы гормон деңгейін тексеріп, арнайы стресс-тест өткізеді. Емдеудің негізгі тәсілі — жетіспейтін гормондарды дәрі арқылы толықтыру. Бұл ем өмір бойы жалғасуы мүмкін, бірақ науқастар қалыпты өмір сүруін жалғастыра алады.
