Гиперметропия деген не — Жақыннан көру қиындығы туралы

Кей адамдар алыстан келген адамды анық көріп, бірақ кітап оқығанда немесе телефонға қарағанда көзін қысып, жақын жердегі жазуды оқи алмай жатады. Мұндай жағдай жиі кездеседі және ол гиперметропия деп аталады.

Гиперметропия — бұл көздің жарықты дұрыс фокус жасай алмауынан туындайтын көру кемшілігі. Яғни, жарық сәулелері көз тор қабығына емес, оның артына түсіп, нәтижесінде жақындағы нысандар бұлыңғыр көрінеді.

Бұл жағдай қалай пайда болады?

Гиперметропияның себебі көбінесе көз алмасының қалыптыдан қысқалау болуы немесе көздің сындыру күші әлсіз болуынан туындайды. Бұл туа біткен жағдай болуы мүмкін немесе жас ұлғайған сайын күшеюі ықтимал.

Белгілері:

• Жақыннан көрудегі қиындық, әсіресе кітап, телефон не тігін кезінде.
• Көздің шаршауы, ауыруы немесе күйіп тұруы.
• Ұзақ уақыт оқу кезінде бас ауруы.
• Балаларда оқу мен жазуға қызығушылықтың төмендеуі.

Диагностикасы:

Бұл жағдайды анықтау үшін офтальмолог дәрігерге қаралу керек. Қарапайым көз тексерісі арқылы көздің көру қабілеті бағаланып, нақты диагноз қойылады.

Емдеу жолдары:

• Көзілдірік немесе контакт линзалар — бұл көруді түзетудің ең жиі қолданылатын әдістері.
• Лазерлік хирургия — кей науқастар үшін көру қабілетін қалпына келтірудің заманауи шешімі.
• Көз жаттығулары кейбір жағдайларда көруді жеңілдетуге көмектеседі.