Криоконсервация деген не — қарапайым тілмен
Қазіргі медицинада адам ағзасының жасушаларын, ұрықтарын немесе тіндерін ұзақ уақытқа сақтау қажеттігі жиі туындайды. Осы кезде ең тиімді әдістердің бірі — криоконсервация. Бұл — биологиялық материалдарды өте төмен температурада мұздату арқылы ұзақ сақтаудың ғылыми тәсілі.
Мысалы, бала сүюді кейінге қалдырғысы келетін жас отбасылар өз ұрық жасушаларын криоконсервация арқылы сақтай алады. Төмен температура (минус 196°C дейін) жасушалардағы барлық биологиялық процестерді тоқтатады, осылайша олар бүлінбей, ұзақ жылдар бойы өміршеңдігін сақтап тұрады.
Криоконсервацияны көбіне ЭКО (экстракорпоральды ұрықтандыру) бағдарламасында қолданады. Сонымен қатар қатерлі ісікке шалдыққан науқастардың ем алдында ұрық жасушаларын сақтап қоюы да жиі кездеседі. Себебі химия немесе радиациялық терапия олардың репродуктивтік мүмкіндігін әлсіретуі мүмкін.
Дегенмен криоконсервацияға да белгілі бір талаптар бар: жасушаларды мұздатқанда арнайы қорғаныш заттар (криопротекторлар) қолданылады. Бұл — жасуша ішіндегі су мұзға айналып, құрылымды зақымдап жібермеуі үшін қажет.
