«Мұнда болғаныма өте қуаныштымын»: Джей Лоның Алматыдағы концерті басталды

Алматының Орталық стадионында танымал әнші Дженнифер Лопестің концерті басталды. Шара сағат 19:00-де басталуы керек болғанымен, жартытора сағатқа кешігіп басталды, деп хабарлайды dailykz тілшісі.

Концерт алдында диджейлер мен орындаушы Sadraddin өз өнерлерін көрсетіп, көрермендерді қыздырып жатты. Ал сахнада техникалық топтың бірнеше адамы ғана кезекпен шығып, сахнаның бос екенін білдірді. Осы күту сәтінде көрермендер әншінің атын айқайлап шақыра бастады.

Соңында көптен күткен Джей Ло мен оның тобы сахнаға шықты.

Джей Ло тыңдармандарды өзінің хиті On the Floor әнімен ерекше көтеріңкі көңіл-күйге бөлеп, Алматы тұрғындары мен қонақтарына мол эмоция сыйлады.

Көрермендер америкалық жұлдызды қуанышқа толы дауыстарымен қарсы алды.

«Бұл кеште сіздерді көруге және осында болуға өте қуаныштымын. Менің әнімді бірге айтамыз ба? Бірге билейміз бе?» — деп сөз бастады Джей Ло.

Фанаттар әншіге бірнеше гүл шоқтарын сыйлады. Ол барлық гүлдерді алып, көмекшісінен оларды өзінің бөлмесіне қоюды өтінді.

Сонымен қатар, көрермендер әншіден алғашқы баласының жынысын жариялауын сұрады. Оған конверт тапсырылды. Джей Ло конвертті ашып, болашақ ата-аналарды қуантқан хабарды айтты: «Бұл қыз!»