Азия чемпионатында Қазақстан құрамасы алғашқы медалін жеңіп алды
Қытайдың Сиаси қаласында өтіп жатқан гребной слаломнан Азия чемпионатында Қазақстан құрамасы алғашқы жүлдесін иеленді, деп хабарлайды dailykz Қазақстан Ұлттық олимпиадалық комитетіне сілтеме жасап.
Жарыстың алғашқы күнінде отандық спортшылар күміс медальға қол жеткізді.
Әйелдер арасында бір адамдық байдарка жарысында қазақстандық Екатерина Таранцева 104,82 уақыт көрсеткішіне қол жеткізіп, екінші орынға табан тіреді. Осы нәтижемен ол Азия чемпионатының күміс жүлдегері атанды. Бұл – биылғы турнирдегі Қазақстан құрамасының алғашқы медалі.
Жалпы, чемпионатта Қазақстан атынан тоғыз спортшы бақ сынайды. Олар жекелей сындарда да, командалық жарыстарда да өнер көрсетпек.
Айта кетейік, Азия біріншілігі Қытайдың Сиаси қаласында Цюшуй өзенінде өтіп жатыр және 17 тамызға дейін жалғасады.
Қазақстан құрамасы Азия чемпионатында алғашқы медалін еншілеп, жарысты сәтті бастады.
