Өзбекстандық Нурсултон Рузибоевтың UFC 319-дегі жекпе-жегі турнирге бір күн қалғанда тоқтатылды
Өзбекстандық ММА жауынгері Нурсултон Рузибоевтың америкалық Брайан Баттлға қарсы жекпе-жегі өтпейтін болды, деп хабарлайды dailykz MMA Fighting-ке сілтеме жасап.
Жекпе-жек неге өтпей қалды?
UFC 319 турнирі Чикагода, Қазақстан уақытымен 16-нан 17 тамызға қараған түні өтеді. Алғашқыда Рузибоев пен Баттлдың айқасы турнир картасына енгізілген еді.
Алайда ресми салмақ өлшеуде америкалық спортшы лимитке сыймай қалды. Оның нәтижесі 190 фунт (шамамен 86,2 кг) болды – бұл орта салмақ шегінен 5 фунт артық. Рузибоев болса, 186 фунт көрсетіп, рұқсат етілген салмақ шегінде қалды.
Бастапқыда жекпе-жек өтеді деген ақпарат тарады. Бұл жағдайда Баттлдың гонорарының 30%-ы өзбек спортшысына берілмек болған. Бірақ кейін ұйымдастырушылар айқасты толығымен тоқтатты.
Рузибоевтың жауабы
Өзбекстандық спортшы әлеуметтік желідегі Instagram-stories бөлімінде қарсыласына қатқыл жауап жазды:
“Көп сөздің қажеті жоқ, алдымен салмақты дұрыс жасай біл. Бұл – кәсіби спорт, блондин!” – деп, жазбасына шошқа эмодзисін қоса тіркеді.
UFC 319 алдындағы оқиғалар
Айта кетейік, UFC 319-ға дейінгі церемониалды салмақ өлшеуде барлық қатысушылар көрермендер алдында соңғы дуэль взглядов өткізді. Олардың ішінде қазақстандық Алиби Идрис те бар.
Нурсултон Рузибоевтың UFC 319-дегі айқасы салмақ мәселесіне байланысты өтпейтін болды.
