Қазақстанның бірінші ракеткасы АҚШ турнирінің финалына шықты
Қазақстанның ең үздік әйелдер теннисшісі, жұптық сында ойнайтын Анна Данилина АҚШ-тағы WTA 250 Кливленд турнирінің финалына жолдама алды, деп хабарлайды dailykz.
Әлемдік рейтингте 10-орында тұрған спортшы АҚШ жарысына сербиялық Александра Круничпен бірге қатысып отыр. Биылғы маусымда олар «Ролан Гаррос» турнирінің финалына жеткен болатын. Кливлендтегі жарыста олардың жұбы бірінші номерлі посевті иеленді.
Жартылай финалда Данилина мен Крунич чехиялық Анастасия Децюк пен Мириам Шкохқа қарсы 6:2, 6:4 есебімен жеңіске жетті.
Теннисшілер кортта 1 сағат 18 минут ойнады. Сол уақытта қазақстандық пен сербиялық спортшы ешқандай эйс жасамай, екі қос қате жіберді және 14 брейк-пойнттің 5-ын пайдаланды.
Кливлендтегі титул үшін Данилина мен Крунич қытайлық Цзян Синьюй мен Тайбэйден Чжань Хаоцинмен кездеседі. Қытай-Тайбэй жұбы екінші номерлі посевке ие. Финал кездесуі сенбі, 23 тамызда, Қазақстан уақытымен кешкі 21:00-ден кейін басталады.
