“Қайраттың” Лига чемпиондарындағы барлық мүмкін қарсыластары анықталды
2025/26 маусымындағы УЕФА Чемпиондар лигасының іріктеу кезеңі мәресіне жетіп, жалпы кезеңге өтетін барлық командалар белгілі болды, деп хабарлайды dailykz.
Іріктеу сындарынан сүрінбей өткен жеті клуб негізгі кезеңге жолдама алды. Солардың қатарында бірінші іріктеу раундынан бастап күрескен қазақстандық “Қайрат” та бар.
Жалпы кезеңде 36 команда бақ сынайды. Әр клуб сегіз ойын өткізеді – төртеуін өз алаңында, төртеуін сырт алаңда. Барлық нәтижелер ортақ кестеге енгізіліп, үздік 24 команда плей-офф кезеңіне шығады.
Жеребе және корзиналар
Жалпы кезеңнің жеребесі 28 тамызда өтеді. Командалар УЕФА рейтингіне сәйкес төрт корзинаға бөлінеді. Әр клуб, соның ішінде “Қайрат”, әр корзинадан екі қарсылас алады.
Корзина 1: “ПСЖ” (Франция), “Реал Мадрид” (Испания), “Манчестер Сити” (Англия), “Бавария” (Германия), “Ливерпуль” (Англия), “Интер” (Италия), “Челси” (Англия), “Боруссия Дортмунд” (Германия), “Барселона” (Испания).
Корзина 2: “Арсенал” (Англия), “Байер” (Германия), “Атлетико Мадрид” (Испания), “Бенфика” (Португалия), “Аталанта” (Италия), “Вильярреал” (Испания), “Ювентус” (Италия), “Айнтрахт” (Германия), “Брюгге” (Бельгия).
Корзина 3: “Тоттенхэм” (Англия), “ПСВ” (Нидерланд), “Аякс” (Нидерланд), “Наполи” (Италия), “Спортинг” (Португалия), “Олимпиакос” (Грекия), “Славия” (Чехия), “Буде-Глимт” (Норвегия), “Марсель” (Франция).
Корзина 4: “Копенгаген” (Дания), “Монако” (Франция), “Галатасарай” (Түркия), “Юнион” (Бельгия), “Қарабах” (Әзербайжан), “Атлетик” (Испания), “Ньюкасл Юнайтед” (Англия), “Пафос” (Кипр), “Қайрат” (Қазақстан).
