«Егер біреу анасын шын жақсы көрсе…» – Сенат спикері туыстарды жиында құттықтау туралы
Сенат кулуарында спикер Маулен Ашимбаевқа жұмыс жиналыстары кезінде туыстарын құттықтау дұрыс па деген сұрақ қойылды. Бұл сұрақ мәжіліс депутатының жасаған ісіне қатысты қойылған, деп хабарлайды dailykz.
Маулен Ашимбаев жауап беріп:
«Мүмкін, мен сенат спикері ретінде көршілес палатадағы депутаттардың не айтатынын толық комментарийлеуім дұрыс емес, сол себепті пікір білдіруден аулақ боламын», – деді.
Сенат басшысына мұндай жағдай сенатта болуы мүмкін бе деген сұрақ та қойылды.
«Егер сенаторлардың бірі өз анасын шын жақсы көрсе, мүмкін болады ғой. Бірақ әзірге ондай оқиғалар болған жоқ», – деп қосты Ашимбаев.
Еске салсақ, 10 қыркүйекте депутаттардың сұрауларын оқып жатқан кезде мәжіліс депутаттарының бірі анасына туған күнімен құттықтау сөзін жеткізген болатын.
