Жәнібек Әлімханұлы: “Мен ешқашан чемпиондардан қашқан емеспін” – титулдық жекпе-жек алдында мәлімдеме жасады
Жәнібек Әлімханұлы: “Мен ешқашан чемпиондардан қашқан емеспін” – титулдық жекпе-жек алдында мәлімдеме жасады
Әлемнің WBO және IBF тұжырымдамалары бойынша чемпионы Жәнібек Әлімханұлы алдағы титулдық жекпе-жек алдында әлеуметтік желідегі X парақшасында мәлімдеме жасады, деп хабарлайды dailykz.
Танымал қазақстандық боксшы жазбасында басты мақсат әрқашан ең мықты қарсыластармен жұдырықтасып, әлемдік белбеулерді біріктіру болғанын айтты.
“Чемпион болған күнімнен бастап мен бар күшімді белбеулерді біріктіруге жұмсадым. Мен ешқашан чемпиондардан қашқан жоқпын — керісінше, оларды іздеп жүріп таптым! Қазір менде екі белбеу бар, енді тағы екеуін алу қалды!” — деп жазды Әлімханұлы.
Тарихи біріктіру жекпе-жегі жақында
10 қазанда белгілі болғандай, WBO және IBF нұсқалары бойынша әлем чемпионы Жәнібек Әлімханұлы үш чемпиондық белбеу үшін өтетін біріктіру жекпе-жегіне келісімшартқа қол қойды.
Боксшының менеджері де бұл тарихи кездесуге арналған келісімнің ресми түрде бекітілгенін растады.
Айта кетейік, 5 сәуірде Астанада өткен айқаста Жәнібек Әлімханұлы француз қарсыласы Анауэль Нгамиссенгені бесінші раундта нокаутпен жеңіп, өз WBO және IBF чемпиондық атақтарын сәтті қорғаған болатын.
