Астанада әлеуметтік саланы цифрландыру мәселелері отандық және халықаралық сарапшылар арасында талқыланды

Астанада Қазақстан Республикасы Еңбек және халықты әлеуметтік қорғау министрлігі мен «Мемлекеттік әлеуметтік сақтандыру қоры» АҚ ұйымдастырған халықаралық форум – «Әлеуметтік вектор: кәсіпқойлық, мойындау, цифрлық болашақ» өтіп жатыр, деп хабарлайды dailykz.

Форум әлеуметтік қорғау жүйесі қызметкерлерінің күніне арналған және деректер мен цифрлық шешімдерге негізделген әлеуметтік қамтамасыз ету жүйесін дамыту мәселелерін талқылау үшін негізгі диалог алаңына айналды. Шара барысында Мемлекет басшысы қойған жасанды интеллектті кеңінен енгізу міндеттері ескерілді.

Форумға Қазақстан Республикасының Премьер-министрі Олжас Бектенов, әлеуметтік мәселелер жөніндегі Президент кеңесшісі Алексей Цой, Еңбек және халықты әлеуметтік қорғау министрі Светлана Жакупова, Парламент депутаттары, мемлекеттік органдар, халықаралық ұйымдар, әлеуметтік сақтандыру саласының ведомстволары мен қорларының өкілдері, сондай-ақ Әзірбайжан, Қырғызстан және Өзбекстаннан келген сарапшылар мен ҮЕҰ қатысып жатыр.

Халықаралық әлеуметтік қамтамасыз ету қауымдастығы (МАСО) Президенті Мохаммед Азман форум қатысушыларына видеоүндеуінде Қазақстанның әлеуметтік қорғау жүйесін жаңғырту және инновацияларды енгізудегі күш-жігерін жоғары бағалады. «Қазақстанның озық әлеуметтік қорғау моделін енгізудегі тәжірибесі әлем үшін құнды мысал болып табылады. Болашаққа көз жүгіртсек, Қазақстанның тәжірибе алмасу және басқа елдерге ұқсас тәсілдерді енгізуге қолдау көрсету әлеуеті айтарлықтай», – деді Мохаммед Азман.

Премьер-министр Олжас Бектенов сөзінде Қазақстанда тиімді әлеуметтік қорғау жүйесін құру жұмыстары жүргізіліп жатқанын атап өтті. Ол әлеуметтік қорғау қызметкерлерінің, ардагерлер мен қоғамдық ұйым өкілдерінің осал санаттағы азаматтарға қолдау көрсетуге қосқан үлесін ерекше атады.

«Президент Қасым-Жомарт Тоқаев өзінің Жолдауында әрбір азаматтың лайықты табыс табуы, сапалы әлеуметтік қызметтер алуы және өз болашағына сенімді болуы үшін мемлекет барлық жағдайды жасап отырғанын айтты. Біздің басты міндеттеріміз – әлеуметтік теңдікті қамтамасыз ету, мамандандырылған әлеуметтік қызметтер жүйесін дамыту және осы салада халықаралық үздік стандарттарды енгізу. Әлеуметтік қорғау жүйесін дамытуда цифрландырудың маңызы ерекше. Бүгін жасанды интеллект жаңа технологиялары әлеуметтік және еңбек қатынастардың барлық саласына белсенді енгізілуде», – деді Олжас Бектенов.

МАСО-ның Бас хатшысы Марсело Аби-Рамиа Каэтано видеоүндеуінде Қазақстанның цифрлық әлеуметтік саладағы жетістіктерін жоғары бағалап, Цифрлық отбасы картасы мен Әлеуметтік қызметтер порталы сияқты инновациялық құралдарды тиімді интеграция мысалы ретінде атады. «Қазақстан азаматтарын мемлекеттік қолдауды қажет ететіндігін алдын ала анықтау тәжірибесі МАСО мүшелері арасында кең таралуы тиіс», – деді ол.

Еңбек және халықты әлеуметтік қорғау министрі Светлана Жакупова әлеуметтік қолдаудың жаңа тәсілдеріне тоқталды:

«Әлеуметтік қызметкерлердің еңбегі – біз жүргізіп отырған әлеуметтік қолдау архитектурасын трансформациялау жұмыстарының негізі. Бұл – дәстүрлі тәсілдерден адамға бағытталған жаңа модельге көшу, мұнда шешімдер категорияларға емес, нақты мұқтаждық критерийлеріне негізделеді. Өзгерістер орталығында – Үйлестірілген цифрлық платформа, оның негізгі механизмі – үй шаруашылықтарын бағалау скоринг моделі. Цифрлық технологиялар отбасылардың нақты мұқтаждығын көріп, объективті деректерге сүйеніп шешім қабылдауға мүмкіндік береді», – деді Светлана Жакупова.

Форумның негізгі сессиясында жасанды интеллекттің әлеуметтік саладағы рөлі талқыланды. Сессияны мемлекеттік қызмет саласындағы өңірлік хаб басқарушы комитетінің төрағасы Алихан Байменов жүргізді.

Вице-министр Виктория Шегай Қазақстан Еңбек министрлігінде ИИ мен цифрлық технологияларды енгізу тәжірибесін таныстырды. Ол әлеуметтік қолдау жүйесінің цифрландырылуы, Әлеуметтік қызметтер порталының жұмысы, мүгедектік пен АСП тағайындауда ИИ қолданылуы туралы егжей-тегжейлі айтып, тиімділіктің артатынын, бірақ өтініш берушілердің құқықтары сақталатынын атап өтті. Азербайжанның DOST агенттігінің басқарма төрағасының орынбасары Сеймур Әлиев өз еліндегі қызмет көрсетуді цифрландыру тәжірибесімен бөлісті.

БҰҰ Қазақстандағы тұрақты үйлестірушісі Саранго Раднарагча әлеуметтік саладағы цифрландырудың қызмет сапасын арттырудағы өзектілігін атап өтті.

«Мемлекеттік әлеуметтік сақтандыру қоры» АҚ басқарма төрағасы Алмас Курманов әлеуметтік сақтандыру жүйесінің қатысушыларына әлеуметтік төлемдерді тағайындаудың негізгі тәсілдерін таныстырды.

Форум қатысушылары халықаралық ынтымақтастық пен үздік тәжірибелерді алмасудың цифрлық шешімдерді дамытуда маңызды екенін атап өтті.

Шара барысында Еңбек және халықты әлеуметтік қорғау министрлігінің цифрлық шешімдер LED-выставкасы және инновациялық қалпына келтіру құралдарының көрмесі жұмыс істейді.

Форум соңында әлеуметтік сала қызметкерлері мен ардагерлерді марапаттау, «Әлеуметтік қорғау жүйесінің үздік қызметкері және үздік әлеуметтік жоба» республикалық байқауының жеңімпаздарын салтанатты марапаттау, сондай-ақ мүмкіндігі шектеулі азаматтардың шығармашылық ұжымдарының қатысуымен мерекелік концерт өтеді.