Арина Соболенко үшінші рет қатарынан US Open финалына шықты
2025 жылғы АҚШ ашық чемпионатында (US Open) әйелдер арасындағы жекелей сында финалистер анықталды. Шешуші матчта әлемнің бірінші ракеткасы Арина Соболенко америкалық Аманда Анисимовамен күш сынасады, деп хабарлайды dailykz.
Қиын жеңіспен келген финал
Қазақстан уақытымен жұмаға қараған түні өткен жартылай финалдық ойындар аса тартысты өтті. Екі кездесу де үш сетке созылды.
Әлемдік рейтинг көшбасшысы Арина Соболенко америкалық Джессика Пегуланы (WTA №4) қиындықпен жеңді. Есеп: 4:6, 6:3, 6:4. Осылайша, беларусь спортшысы үшінші жыл қатарынан US Open финалына жолдама алды. Айта кетейік, ол өткен жылы осы турнирдің чемпионы атанған еді.
Анисимованың тарихи жетістігі
Ал екінші жартылай финалда америкалық Аманда Анисимова (WTA №9) жапондық Наоми Осакуды (WTA №24) 6:7 (4:7), 7:6 (7:3), 6:3 есебімен ұтып, алғаш рет US Open финалына шықты.
Финал 6 қыркүйекте өтеді
Соболенко бұған дейін жекелей сында үш рет «Үлкен дулыға» турнирлерін жеңген, оның екеуі осы маусымда. Ал Анисимова әзірге мэйджор жарыстарында жеңімпаз атанған жоқ.
US Open — маусымдағы соңғы «Үлкен дулыға» турнирі. Жарыс Нью-Йорктегі хард корттарында өтеді.
