Иордания королі Қазақстанға Тоқаев шақыруымен келеді
Қазақстан президенті Қасым-Жомарт Тоқаевтың шақыруымен 26-27 тамызда Иордания королі Абдалла II бен әл-Хусейн ресми сапармен Қазақстанға келеді, деп хабарлайды dailykz Акордаға сілтеме жасап.
Президенттің баспасөз қызметінің ресми Telegram-каналында хабарланғандай, Астанадағы сапар барысында екі ел арасындағы сауда-экономикалық және мәдени-гуманитарлық ынтымақтастықты әрі қарай нығайтуға бағытталған жоғары деңгейдегі келіссөздер өтеді.
Естеріңізге сала кетейік, 22 тамызда мемлекет басшысы Қасым-Жомарт Тоқаев Қырғызстан президенті Садыр Жапаровтың шақыруымен ресми сапармен Қырғыз Республикасына барды. Әуежайда оны Қырғызстан президенті қарсы алды.
Қазақстан президентінің сапары «Ата-Бейіт» ұлттық тарихи-мемориалдық кешенін аралаудан басталды. Содан кейін Қасым-Жомарт Тоқаев «Ынтымак Ордо» резиденциясына келді. Сонымен қатар, мемлекет басшысы Қырғыз Республикасының президенті Садыр Жапаровты «Алтын Қыран» орденімен марапаттағаны белгілі болды.
