Месси мен Антонелла Рокуццо жанкүйерлерді жаңа суретімен таңғалдырды
Аргентиналық әйгілі футболшы Лионель Мессидің жары Антонелла Рокуццо Instagram парақшасында жарық көрген жаңа фотосуретімен жанкүйерлерін тәнті етті, деп хабарлайды dailykz.
Жұлдызды жұп, көрініп тұрғандай, теңіз жағасындағы сәнді мейрамханалардың бірінде түскен. Кешкі серуенге Месси кең шалбар мен жолақ жейде киіп шықса, Антонелла қара түсті, жартылай мөлдір және терең ойықты көйлек киіп, ерекше сымбатымен көз тартты. Оның сәнді образы желідегі қолданушылар арасында үлкен қызығушылық тудырды.
Желі қолданушылары жұпты мақтауға асықты:
“Керемет! Мінсіз жұп!”, “Махаббаттың шынайы бейнесі”, “Олар бірге болғанда, мен махаббатқа сенемін!”, – деген сияқты жүздеген жылы пікір қалдырылды.
Месси мен Антонелланың махаббат хикаясы
Көпшілік білетіндей, Лионель Месси мен Антонелла Рокуццоның таныстығы бала кезінен басталған. Лионель небәрі бес жаста болғанда Антонелланы алғаш рет көреді. Қыз — Мессидің ең жақын досы Лукас Скальяның немере әпкесі болатын. Балалар көп уақыттарын бірге өткізіп, ойнап, қонаққа барып, бір-бірімен ажырамас досқа айналды.
Сол кездің өзінде кішкентай Лео досының әпкесіне ғашық болғаны туралы айтылады.
Кейін Месси футбол мансабын жалғастыру үшін басқа қалаға көшіп кетеді, ал Антонелла университетке түсіп, өмірін жалғастырады. Алайда бір күні оның сүйіктісі жол апатынан қаза табады. Бұл қайғылы жаңалықты естіген Лео бәрін тастап, Антонелланы жұбату үшін туған қаласына оралады. Сол сәттен бастап олар бір-бірінен ажырамаған.
Бақытты отбасы және балалар
2012 жылдың қарашасында олардың тұңғыш ұлы Тьяго дүниеге келді. Үш жылдан кейін екінші ұлы Матео өмірге келді. Ал 2017 жылы Лионель мен Антонелла көп жылдық махаббаттарын заңдастырып, ресми түрде некеге тұрды. Кейінірек олардың үшінші ұлы да дүниеге келді.
Месси мен Антонелла бүгінде футбол әлеміндегі ең сүйікті және тұрақты жұптардың бірі саналады. Олардың шынайы махаббаты мен жылдар бойғы адалдығы көптеген адамдар үшін шабыт көзіне айналды.
