Рыбакина US Open алдында әлемдік рейтингте үздік ондықта қалды, Путинцева бір сатыға төмендеді
Әйелдер теннис қауымдастығы (WTA) ресми сайтында US Open 2025 басталар алдында жекелей және жұптық санаттағы рейтингті жаңартты, деп хабарлайды dailykz.
Маусымдағы соңғы “Үлкен дулыға” додасы Нью-Йоркте шымылдығын түрді. Алдыңғы турнирлердің қорытындысына сәйкес жаңа рейтинг жарияланды.
Қазақстандық теннисшілердің жағдайы
Әйелдер арасындағы жекелей сында алғашқы ондық өзгеріссіз қалды. Қазақстанның бірінші ракеткасы Елена Рыбакина үздік ондықты түйіндеп тұр. Ал елдің екінші ракеткасы Юлия Путинцева бір саты төмен сырғып, 55-орынға тұрақтады.
Әлемдік көшбасшылар
Әлемдік рейтингтің көшін US Open-ның қазіргі чемпионы, Беларусь өкілі Арина Соболенко бастап тұр. Одан кейін польшалық Ига Швентек келеді. Үздік үштікті америкалық Коко Гауфф түйіндеді.
Жұптық сын нәтижелері
Қазақстан атынан жұптық сында өнер көрсететін Анна Данилина да өз орнын сақтап қалды. Ол әлемдік рейтингте оныншы орында тұр. Айта кетерлігі, Данилина WTA 250 турнирінде (Кливленд) жеңіске жетіп, қосымша ұпай еншілеген болатын.
US Open-дағы алғашқы матчтар
25 тамыз, дүйсенбі күні Рыбакина мен Путинцева US Open жарысын бастайды. Вечерде қазақстандық спортшылар өз қарсыластарымен кортқа шығады: Рыбакина – америкалық Хульета Парехамен, ал Путинцева – италиялық Элизабетта Коччареттомен кездеседі.
