Самат Смаков КПЛ-2025 маусымының үздік ойыншысын атады

«Жетісу» клубының бас бапкері Самат Смаков Қазақстан Премьер-лигасының 2025 жылғы маусымындағы ең үздік футболшыны атап өтті, деп хабарлайды Sports.kz QSport-қа сілтеме жасап.

— Қазіргі таңда үздік футболшы кім?
— Қазір ерекше көзге түсіп жүрген ойыншы — Дастан Сатпаев, — деді Смаков.

Алматының «Қайрат» клубының 16 жастағы шабуылшысы биылғы чемпионатта 19 матчқа қатысып, 8 гол соғып, 6 нәтижелі пас берген. Қазіргі уақытта ол КПЛ-дің сұрмергендер тізімінде екінші орында тұр. Айта кетейік, Дастан Сатпаев 2026 жылдың тамызынан бастап, 18 жасқа толған соң, Лондонның «Челси» клубының сапында өнер көрсететін болады.