Сол аяк кышыса не болады: себептері мен кеңестері

Кейде аяқтың қышуы адамды әбігерге салады. Әсіресе сол аяқ қышыса, кейбірі бұны ырымға балап жатады. Дегенмен медицина тұрғысынан қарасақ, аяқтың қышуы – белгілі бір денсаулық жағдайының белгісі болуы мүмкін.

Ең жиі себептердің бірі – тері аурулары. Құрғақ тері, аллергия, экзема немесе дерматит аяқтың қышуына себеп болады. Мұндайда теріде қызару, қабыршақтану, бөртпе сияқты белгілер қатар жүруі мүмкін.

Қан айналымының бұзылуы да аяқ қышуының себебі болуы мүмкін. Венозды жетіспеушілік немесе варикоз кезінде аяқтағы қан дұрыс айналмайды, нәтижесінде ісіну мен қышу пайда болады.

Кейде қант диабетімен ауыратын адамдардың аяқтары жиі қышиды. Себебі қандағы қант мөлшері жоғарылағанда жүйке ұштары зақымдануы мүмкін. Бұл кезде аяқтың жансыздануы немесе күйдіру сезімі байқалады.

Сонымен қатар, кейбір инфекциялық аурулар да қышуға әкеледі. Мысалы, саңырауқұлақ инфекциясы (грибок) аяққа тез жұғады және қышып, жағымсыз иіс шығарады.

Қышуды азайту үшін:

• Аяқтың тазалығын сақтап, сабынды шамадан тыс қолданбау;
• Ылғалдандыратын крем пайдалану;
• Аллерген өнімдерден аулақ болу;
• Қан айналымын жақсарту үшін жеңіл массаж немесе физикалық белсенділікті арттыру ұсынылады.

Егер қышу ұзақ уақытқа созылса немесе қосымша белгілер байқалса, дәрігерге қаралу міндетті. Себебі қарапайым қышудың артында күрделі аурулар тұруы мүмкін.+55