Тоқаев астаналық ҰҚК жаңа ғимаратын аралап шықты: Ақорда егжей-тегжейін айтты
Мемлекет басшысы Қасым-Жомарт Тоқаев Астана қаласындағы Ұлттық қауіпсіздік комитеті департаментінің жаңа ғимаратын көріп шықты, деп хабарлайды dailykz Ақордаға сілтеме жасап.
Ақорда мәліметінше, сапар барысында Президентке оперативтік орталық, қызметкерлердің жұмыс кабинеттері және арнайы қызметтік бөлмелер көрсетілді. Барлық нысандар қазіргі заман талаптарына сай жабдықталған.
«Президент жаңа ғимаратты салу жұмыстарын, тұрғындардың қауіпсіздігін қамтамасыз етуге арналған қажетті материалдық-техникалық базамен қамтамасыз етілгенін оң бағалады», — делінген хабарламада.
Еске салсақ, биыл маусымда Тоқаев жергілікті полиция қызметін жою туралы заңға қол қойған болатын. Ал сәуірде Мәжіліс депутаттары жергілікті полицияны қайта ұйымдастыруға бағытталған заң жобасын мақұлдаған еді.
Сонымен қатар, маусымның соңында Тоқаев Антикоррупциялық қызметті ҰҚК-ға қосу арқылы қайта ұйымдастыруға шешім қабылдады.
Президент сондай-ақ «Аймақтық қорғаныс туралы» заңға қол қойды. Бұл заң қоғамдық қатынастарды реттеуге және Қазақстан Республикасының аймақтық қорғаныс саясаты саласындағы ұйымдық-құқықтық негіздерді бекітуге арналған.
