Трамптың арнайы елшісі Қазақстанға келеді: СІМ ресми мәлімдеме жасады
Қазақстан СІМ-і келесі аптада АҚШ-тың Орталық Азия мәселелері бойынша арнайы елшісі Серхио Гор және АҚШ Мемлекеттік хатшысының орынбасары Кристофер Ландау елге сапарлайтынын растады, деп хабарлайды dailykz.
«Келесі аптада Орталық және Оңтүстік Азия мәселелері бойынша АҚШ арнайы елшісі Серхио Гор мен АҚШ Мемлекеттік хатшысының орынбасары Кристофер Ландаудың Қазақстанға сапары жоспарланған», – делінген хабарламада.
Сапар барысында екі елдің өкілдері екіжақты және аймақтық күн тәртібіндегі кең ауқымды мәселелерді талқылайтын болады. Бұл диалогқа саяси байланыстарды нығайту, сауда-экономикалық ынтымақтастықты кеңейту, сондай-ақ аймақтық тұрақтылық пен қауіпсіздікті қамтамасыз ету мәселелері ерекше назарда болады.
Қазақстан мен АҚШ арасындағы стратегиялық әріптестікті одан әрі тереңдету мақсатында ұйымдастырылатын бұл сапар екі елдің де мүдделерін қорғайтын маңызды қадам болып саналады.
Трамптың арнайы елшісінің Қазақстанға сапары екіжақты қатынастар мен аймақтық қауіпсіздік мәселелерін талқылауға мүмкіндік береді.
