Жүктіліктің алғашқы белгілері
Әрбір әйел үшін жүктілік – ерекше кезеңнің бастауы. Бұл кезеңнің келгенін кейде әйелдің өзі де бірден аңғара қоймауы мүмкін. Дегенмен, ағза түрлі белгілер арқылы бұл өзгерісті ерте кезеңде-ақ білдіре бастайды. Сондықтан мұқият назар аудару – өте маңызды.
Ерте байқалатын белгілер
1. Етеккірдің тоқтауы
Жүктіліктің ең жиі кездесетін және алғашқы белгісі – етеккірдің кешігуі немесе мүлде болмауы. Алайда бұл әрқашан жүктілікке байланысты бола бермейді – күйзеліс, гормоналды ауытқулар да себеп болуы мүмкін.
2. Кеуде аймағындағы өзгерістер
Көптеген әйелдер жүктіліктің бастапқы апталарында кеуденің ауырсынуын, ісінуін немесе сезімталдығын байқайды. Сонымен қатар, емізік айналасындағы тері күңгірттенуі мүмкін.
3. Шаршау мен әлсіздік
Ағзадағы гормоналды өзгерістерден кейін әйел өзін тез шаршап, әлсіз сезінуі мүмкін. Бұл – прогестерон гормонының көбеюінен туындайтын қалыпты жағдай.
4. Таңғы жүрек айнуы
Жүктіліктің бірінші триместрінде көптеген әйелдер жүрек айнуын бастан өткереді. Бұл – ағзадағы гормондар тепе-теңдігінің өзгеруіне байланысты қалыпты құбылыс.
5. Жиі зәр шығару
Ағзадағы қан көлемінің артуы мен гормондардың әсерінен бүйректер қарқынды жұмыс істей бастайды. Соның салдарынан әйел жиі дәретханаға барады.
6. Иістерге сезімталдық
Кейбір әйелдер иістерге өте сезімтал болып кетеді. Бұрын ұнамды болған иістер тіпті жағымсыз әсер беруі мүмкін.
7. Көңіл-күйдің ауытқуы
Гормондық өзгерістерден кейін көңіл-күйдің жиі ауытқуы – тағы бір жиі кездесетін құбылыс. Кей әйелдер бұл кезеңде жылауық болып кетуі мүмкін.
Жоғарыда айтылған жуктиликтин белгилери әр әйелде әртүрлі байқалуы мүмкін. Кейбіреулер бірнеше белгіні бірден сезсе, енді біреулерінде мүлде болмауы да ықтимал.
